Forca të shumta policie të mbështetur nga banorët e fshatit kanë bërë të mundur arrestimin e Florian Tonuzit, i cili vrau të enjten vëllain e tij me thikë në një fshat të Dibrës në Shqipëri.
Operacioni i policisë nis në orët e para të mëngjesit në fshatin Kurbeg të Dibrës. Në rrugë operative ishte marrë informacion se 26 vjeçari fshihej në këtë fshat. Forcave të rendit iu bashkuan dhjetëra banorë.
Banesat u kontrolluan thuajse të gjitha. Pas rreth 2 orësh u lokalizua vendi ku fshihej Tonuzi.
E pranishme ishte nëna e tij, e cila I kërkoi të dorëzohej. Iu lut policisë të mos e dhunonin.
26 vjecari Tonuzi u arrestua në një objekt që përdoret për kafshët.
Krimi ndodhi në banesën e familjes Tonuzi, në fshatin Allajbegi pas një sherri mes dy vëllezërve.
Në sherr e sipër Florjani, 26 vjeç goditi me thikë vëllain e tij, Benardin 23 vjeç. Ai u dërgua menjëherë në spitalin e Peshkopisë.
Një orë më pas ndërroi jetë për shkak të gjakderdhjes.
