Dy ditë pas shkarkimit nga pozita e drejtorit medicinal, Marjan Shokarvoski mblodhi çerekun e personelit në orar të punës në amfiteatrin e Klinikës dhe për një orë rresht u rrëfye para mediave.
Ai tha se kundër tij po bëhet një sabotim i organizuar, por nuk theksoi se nga kush.
Shokarovski demantoi deklaratat e ministrit Demiri se vdekshmëria është rritur në Kardiokirurgji, madje ai tha se 170 pacientët e vdekur të pa evidentuar në sistem kanë ndodh si pasojë e një problemi teknik.
“Ashiqare të dhënat që janë liferuar në publik janë një sabotim i orkestruar kundër Klinikës shtetërore të Kardiokirurgjisë, me gënjeshtra dhe prezantim selektiv pa u konsultuar askush nga klinika a të përfshihen njerëz që as nuk trajtojnë pacientë as s’kanë lidhje me klinikën… Kur jemi te të dhënat statistikore të transplantimeve, përqindja e shpëtimit të pacientëve është mbi mesataren botërore, por disa fuqi dashakeqe këtë përparim duan ta përulin dhe ta relativizojnë”, tha Marjan Shokarovski, Ish-Drejtor i Kardiokirurgjisë.
Personeli mjekësor shpreh shqetësimin se ndikimi politik po u pengon punën e tyre profesionale.
“Sot ne kemi akuza serioze për punën e Klinikës, jo për një individ por për gjithë ne që jemi mbledhur këtu. Unë ju garantoj, pa u prekur institucionet tjera, që nuk ekziston klinikë që më profesionalisht i mjekon pacientët”, tha Nadica Mehmedoviq, Doktoreshë në Klinikën e Kardiologjisë.
Konferenca për media i ngjante një shfaqje me publik ku pas çdo deklarate shoqërohej me duartrokitje.
“Të dhënat që dolën në opinion janë bërë në bazë të një-dy muajve ku ka qenë e rritur vdekshmëria. Në ato periudhë më shumë se 60% e pacientëve ishin raste urgjente”, u shpreh doktori, Vasil Papastiev.
Reagimet erdhën pas shkarkime nga Ministria e Shëndetësisë të drejtorit të Klinikës Marjan Shokarovski dhe udhëheqësen e Programit për parandalimin e sëmundjeve kardiovaskulare, Aleksandra Eftimova.
Dy ditë më parë ministri Ilir Demiri tha se rastin e ka denoncuar edhe në prokurori, dhe kërkon masa urgjente nga organi akuzës. Sipas tij ka dy arsye për shkarkimin e tyre, dyshimet janë se kanë keqpërdorur shume të majme parash dhe rritjes së vdekshmërisë.
