Mbledhje urgjente e DMSh-së për të ndihmuar vërshimet në Bosnjë

Sipas kërkesës për ndihmë që Qeveria e Bosnjës dhe Hercegovinës bëri dje në mbrëmje përmes Mekanizmit Evropian për Mbrojtje Civile, drejtori i DMSh-së, z.Xhevat Selami, në ora 22:00 thiri mbledhje urgjente koordinuese, njofton Nistori.

Në mbledhje u shqyrtua kërkesa për ndihmë dhe u vendos që Drejtoria për Mbrojtje dhe Shpëtim të dërgojë ekipet e mëposhtme:

Ekipi i kërkim-shpëtimi nga rrënojat (17 anëtarë me pajisje dhe 5 automjete);

Ekip shpëtimi nga përmbytjet me pompa (16 anëtarë, 20 pompa me kapacitet total 6000 l/minutë dhe 6 automjete).

Nga Qeveria e Republikës së Bosnjës dhe Hercegovinës pritet të marrë një vendim për pranimin e ndihmës.