Instituti i Shëndetit Publik këshilloi sot se mënyra më e mirë për të larguar papastërtitë është t’i lajmë perimet dhe frutat me ujë të freskët.
“Lajini ato në ujë të rrjedhshëm për 30-60 sekonda. Fërkojini që të largoni papastërtitë. Thajini frutat dhe perimet me një peshqir të pastër ose letër.
Përpara se t’i gatuani ose t’i prisni, pastroni mirë sipërfaqet e gatimit – enët, thikat dhe çdo gjë tjetër që do të përdorni.
Lani duart me sapun dhe ujë.
Përpiquni që të shmangni ruajtjen e perimeve dhe frutave për shumë kohë.
Asnjëherë mos përdorni pastrues ose zbardhues për të larë frutat ose perimet e freskëta,” ka theksuar në përfundim ISHP.
