Spektatorët në Koloseun e Romës hanin ullinj, fruta dhe arra teksa shikonin gladiatorët duke luftuar për vdekje, thanë arkeologët.
Zbulimi erdhi pas gërmimeve në kanalizimet nën arenë ku u gjetën mbetje ushqimore 1900-vjeçare.
Arkeologët besojnë se ato janë mbetjet e ushqimeve të ngrëna nga spektatorët romakë dhe ekipi zbuloi gjithashtu fragmente kockash të kafshëve që luftuan në arenë, raporton Daily Mail.
Rezultatet e studimit të Parkut Arkeologjik të Koloseut u prezantuan nga drejtoresha e tij, Alfonsina Russo.
Ekipi i saj filloi një hetim në janar të këtij viti për të kuptuar më mirë funksionimin e kanalizimeve nën pjesën jugore të amfiteatrit 2000-vjeçar.
Arkeologët kanë gjetur gjithashtu fara dhe fruta të lashta të bimëve të kultivuara, duke përfshirë fiq, rrush, pjepër, ullinj, pjeshkë, qershi, kumbulla, arra, lajthi dhe arra pishe./euronews.al/
