Të uroj kohë

     Elli Michler

    Nuk të uroj një dhuratë çfarëdo,
    të uroj thjesht atë që shumë veta nuk e kanë.
    Të uroj kohë, për t’u argëtuar dhe për të qeshur;
    nëse do ta përdorësh mirë, mund të fitosh diçka.

    Të uroj kohë, për të vepruar dhe për të menduar,
    jo vetëm për veten tënde, por edhe për t’ia dhuruar të tjerëve.
    Të uroj kohë, jo për të nxituar e për të vrapuar,
    por kohë për të qenë i lumtur.

    Të uroj kohë, jo vetëm për ta kaluar,
    unë të uroj kohë për të pushuar,
    kohë për t’u habitur dhe kohë për të besuar
    e jo thjesht për ta parë në orë.

    Të uroj kohë për të numëruar yjet
    dhe kohë për t’u rritur, për t’u pjekur.
    Të uroj kohë për të shpresuar përsëri dhe për të dashuruar.
    Nuk ka kuptim të kapesh pas së shkuarës.

    Të uroj kohë për të gjetur veten,
    për të jetuar çdo ditë, çdo orë si një dhuratë.
    Të uroj kohë edhe për të falur.
    Të uroj të kesh kohë, kohë për jetën.

    Lajmi Paraprak

    Dubai do të ndërtojë hënën në Tokë me vlerë 5 miliardë dollarë

    Lajme tjera

    Gjeniu i turmës

    Charles Bukowski ka boll tradhti, dhunë, urrejtje, absurditet tek njeriu mesatarpër të furnizuar çfarëdo ushtrie në çfarëdo dite.…
    Më tepër

    Bashkohu

    Informohu në kohë