100 shtëpi në fshatin Odri nuk kanë rrymë, shkak era e fuqishme

    Era e fuqishme e ditëve të fundit, ka lënë pa energji elektrike mbi 100 shtëpi në fshatin Odri të Komunës së Tearcës. Dëme të konsiderueshme kanë pësuar shtëpitë. Banorët janë ankuar se një numër i madh i shtëpive ngrohjen e sigurojnë përmes energjisë elektrike, ndërsa tre ditët e fundit, po luftojnë me të ftohtin.

    Na është djegur transformatori, s`kemi energji elektrike tre ditë. Me asgjë nuk ngrohemi ngrimë e shihni sa ftohtë është. E lajmëruam erdhën i ngjitën kabllot por sërish s`kemi. Kemi edhe shtëpitë e dëmtuara, kulmet i kemi të dëmtuar”, tha një banore.

    Me radiatorë ngrohemi por s`kemi tre ditë, s`kemi zjarr. Kemi fëmijë të vegjël. Fëmija tjetër do na vjen nga shkolla s`kemi ngrohje asgjë se di si do ia bëjmë”, u shpreh një banore.

    Ka bë dëme në disa vende ka bë. Diku edhe kulmet i ka shkulur, erë e fuqishëm që prej tre ditësh ka nisur.  Natën kemi frikë bëjmë roje se shumë erë frynë. Disave edhe dyert e hekurit ua ka shkulur”, tha një tjetër banor.

    Teksa po filmonim dëmet e shkaktuara në Odri, energjia elektrike u ndal edhe në shkollën fillore të fshatit.

    I lëshuam sot nxënësit sepse u ndal rryma. Plus dëme kemi në çati, tjegulla teneqe ka shkul”, tha  Avdiqerim Avdiu. Punonjës i Shkollës.

    Kreu i komunës së Tearcës tha se dëme të këtilla ka pasur edhe në disa fshatra të tjerë të kësaj komune. Ai i bëri thirrje banorëve që ti paraqesin dëmet me qëllim dëmshpërblimin e tyre.

    Thuajse në gjitha fshatrat e komunës kemi paraqitje të dëmeve, nga më të voglat deri tek ai më i madhi siç ishte shtëpia e shëndetit në Dobrosht. Ne kemi nxjerrë ekip në terren dhe tashmë janë duke fotografuar nga afër situatën, por duhet çdo pronar që të paraqes individualisht gjitha dëmet e shkaktuara nga era”, deklaroi Nuhi Neziri. Kryetar i komunës së Tearcës.

    Kontaktuam edhe me ekipet e EVN-së, të cilat ishin në terren, nga ku mësuam se po punohet në ndërrimin e disa transformatorëve, të cilët janë djegur si pasojë e erërave të fuqishme. Sipas tyre, defekti pritet të riparohet brenda ditës. /Alsat/

    Lajmi Paraprak

    Dy nxënës nga Maqedonia janë lënduar në Turqi nga tërmeti i fuqishëm

    Lajmi i rradhës

    Spitali i Tetovës furnizohet me aparaturë të re me vlerë prej 3.2 milionë euro

    Lajme tjera

    Bashkohu

    Informohu në kohë