Presidenti amerikan Donald Trump mori pjesë në Super Bowl, kampionatin vjetor të Ligës Kombëtare të Futbollit (NFL) dhe ndër ngjarjet sportive amerikane më të ndjekura, duke bërë bujë në rrjete sociale.
Por, përdoruesit në platforma filluan të hamendësonin se paraqitja e Trumpit kushtonte 95,238.09 dollarë për minutë.
Nuk ka asnjë konfirmim zyrtar nga Shtëpia e Bardhë apo zyra e Trumpit, por pretendimet shkuan deri në 20 milionë dollarë dhe përdoruesit e quajtën atë si një “shpërdorim” të parave publike, përcjell Telegrafi.
Megjithatë, një përdorues vuri në dyshim shumën e përmendur duke thënë: “Nga vijnë këto 20 milionë dollarë? Si kushtoi kaq shumë? Dua të them, e kuptoj që Shërbimi Sekret dhe logjistika nuk mund të jenë të lira, por kjo duket si një kosto qesharake pothuajse e pamundur për t’u grumbulluar në një ngjarje të tillë.”
Ndryshe, sipas USA Today, pavarësisht se ishte në detyrë vetëm për disa javë, Donald Trump mbërriti në Super Bowl në New Orleans për të parë përballjen e Philadelphia Eagles ndaj Kansas City Chiefs.
Trump u largua nga loja në pjesën e parë, me Eagles të qetë përpara rrugës për fitore.
