Shefi i sapo zgjedhur i Prokurorisë për Ndjekje të Krimit të Organizuar dhe Korrupsionit, Islam Abazi sot u betua para Këshillit të Prokurorëve se funksionin do ta kryejë në mënyrë të ndërgjegjshme dhe të paanshme. Abazi për herë të parë u sqarua për fotografitë e tija të publikuara në shoqërimin e vëllait të Ali Ahmetit dhe ish-kreut të Gostivarit, Nevzat Bejtës, u shpreh Islam Abazi, shef i Prokurorisë për Krim të Organizuar dhe Korrupsion.
“Unë dhe prindërit e mi jemi nga Zajazi. Zajazi është fshat siç e dini dhe ndodhë që rastësisht unë me prindërit e mi të ftohemi me shumë njerëz në një dasmë dhe ngjarje të njëjtë. Në atë fotografi ishim të ftuar në dasmë. Jemi takuar atje, kjo është. Në atë dasmë asnjëherë nuk kemi biseduar as për lëndë, as për politikë”, u shpreh Islam Abazi, shef i Prokurorisë për Krim të Organizuar dhe Korrupsion.
Ndërkaq për fotografinë me ish-kreun e Gostivarit, Nevzat Bejta, tha se rastësisht ishin takuar në maje të malit me të, ku edhe janë fotografuar.
“Unë gjatë vikendit dal në mal, e kam hobi bjeshkatarinë dhe gjuetinë, kështu unë jam takuar me njerëz dhe jam përshëndetur, domethënë të ngjitesh në një maje është moment i bukur, bëhen edhe fotografi për ta përkujtuar atë ngjarje të ngjitjes në ndonjë maje”
Abazi siguroi që në qoftë se do vije në situatë që të ndjek persona të afërm të tij, kompetencën për atë lëndë përkatëse do ja jep ndonjë prokurori tjetër publik. Megjithatë, qytetarët e anketuar nga Alsat M nuk janë shumë të sigurt për këtë. Ata nuk presin që të ketë luftë efikase ndaj krimit dhe korrupsionit në vend.
“Pa hesap, shumë, krejt në korrupsion. Nuk ma merr mendja, sepse këta janë krejt hajdutë, krejt, të ishte një hajt e hajt. Abe krejt hajdutë janë, krejt, valla bila krejt” , u shpreh një qytetar
Sa të dush ka, si vërshimet, ashtu është korrupsioni i madh. Asnjëherë nuk ulet, do të ulet kur do të vdesim, atëherë do të ulet, deri sa të jemi gjallë, kurrë korrupsioni nuk hiqet. Kjo nuk është e mundshme, u shpreh një qytetar.
“Nuk besoj, shumë pak. Gjyqi duhet të jetë më i drejtë. Kur të vjen drejtësia, vijnë edhe gjërat tjera, në vend”, tha një qytetar.
“Po do të vije dita, kur të hyjë në Evropë Maqedonia, atëherë nuk do ketë korrupsion, do jetë e shtrënguar. Nuk hynë në Evropë se pastaj nuk ka korrupsion, për këtë nuk duan të hyjnë në Evropë, sepse kështu munden më shumë të vjedhin. E kanë merak fotelen, edhe unë po të hyja në fotele do të vidhja me të madhe”, deklaroi një qytetar.
“Zor, nuk besoj, kështu siç është duke vazhduar. Ju ka hyjë në gjak korrupsioni, çka me bo”
Ndryshe, funksionin Abazit ja dorëzoi ish-shefja e suspenduar, Vilma Ruskovska. Ai do të jetë në këtë detyrë për katër vite, me të drejtë për tu rizgjedhur, tha një qytetar
Shefi i Prokurorisë për Ndjekje të Krimit dhe Korrupsionit sot u pyet për fotografitë që janë publikuar në rrjetet sociale, e ku ai shihet me njerëz të afërt me BDI-në. Abazi konkretisht komentoi fotografinë me ish kreun e komunës së Gostivarit, Nevzat Bejtën me çrastë tha se hobi e ka ngjitjen në male dhe gjuetinë dhe gjatë këtyre aktiviteteve rastis që të takohet me njerëz të ndryshëm që ndajnë të njëjtin pasion.
“Gjatë fundjavave, pushimeve, dal dhe bëj ngjitje në male. E kam hobi gjuetinë dhe ngjitjen në male. Në ato anë kam takuar njerëz dhe jam përshëndetur. Të ngjitesh në majat e Republikës së Maqedonisë së Veriut është gëzim dhe praktikohen që të bëhet fotografi për të shënuar atë ngjarje të ngjitjes së majës. Aty jemi takuar rastësisht. Nëna ime vjen nga Gostivari dhe kishte njohuri për këtë. U takuam aty dhe asgjë më shumë. Sa i përket fotove të tjera, siç thashë, jemi nga Zajazi . Zajazi është fshat dhe ndodh që të jemi të ftuar bashkë te më shumë njerëz, në të njëjtën dasmë apo event. Në ato takime nuk flasim kurrë për lëndë apo politikë”, tha mes tjerash Abazi.
