Autoritetet po na bllokojnë projektet, ka leje që presin nga pas 5-10 vjet
Pronari dhe drejtori i përgjithshëm i ZSF KOM, Fatmir Etemi ditë më parë në konferencën e parë të pasurive të paluajtshme të organizuar në vend, theksoi se autoritetet po i bllokojnë projektet e tyre. Ai thotë se ka leje që presin 5-10 vjetësh, njofton TV21, përcjell Nistori.
“Ne kemi një problem tjetër dhe ne ndërtuesit jemi për t’u kritikuar, sepse nuk kemi organizuar një event të tillë për të dërguar mesazh se pse çmimet po rriten për shkak të kostove. Procedurat e lejeve të ndërtimit zgjasin me vite dhe ka që zgjasin 5-10 vjet. Ky është një fenomen i kohëve të fundit. Dikur moratoriume, vendime politike, të paligjshme, për të mos dhënë miratim për ndërtim. Procesi nuk mund të ndërpritet, ka plane detale urbanistike në fuqi”, deklaroi Etemi.
Sipas tij, në shumë vende ka plane urbanistike në fuqi, por njerëzit nuk marrin leje ndërtimi.
Moratoriumet e ndërtimit ishin vendime politike dhe të paligjshme
Etemi tha në konferencën e parë të pasurive të paluajtshme të organizuar në vend se moratoriumet e ndërtimit ishin vendime politike dhe të paligjshme.
“Ky është një mësim i vogël për njerëzit në anën tjetër të politikës, këshillave komunale, komunave dhe ministrive. Si një njohës dhe ndërtues i mirë në Shkup, çdo komunë ka rregullat dhe rregulloret e veta. Unë po ndërtoj dy objekte në Shutkë…po ndërtohet gjithandej, në Kisella Vodë, në Draçevë, nuk po ndërtojmë vetëm objekte banimi, por edhe objekte komerciale për qëllime të ndryshme. Kamatat kanë shumë pak ndikim, sepse në Maqedoni mentaliteti i qytetarëve është të financojnë në patundshmëri”, shtoi Etemi.
Etemi me apel për autoritetet: Zgjohuni, ndërtuesit motivojnë shumë sektorë të tjerë
Etemi në konferencën e parë të pasurive të paluajtshme të organizuar në vend, biznesmeni Fatmir Etemi ka dërguar një mesazh të qartë për autoritetet, gjegjësisht të zgjohen.
“Kohët e fundit në këto dy vite planet urbanistike po vonohen, jeta po kalon dhe shteti po paguan faturën. Nëse këto procedura zgjasin me vite, kostot rriten shumë. Dhe prandaj një mesazh për të gjithë ata që janë të lidhur me këtë administratë për lëshimin e lejeve, të zgjohen nga ajo ëndërr, të dalim nga ai gjen ballkanik sepse jemi kompani që investojmë në Maqedoni. “Ndërtimi motivon shumë kompani të tjera”, deklaroi Etemi. /Nistori/
