Liqeni i Ohrit është ndër liqenet më të vjetra në Evropë dhe ka statusin e Vendit të Trashëgimisë Botërore nga Organizata për Edukim, Shkencë dhe Kulturë e Kombeve të Bashkuara, e njohur si UNESCO, për speciet unike që jetojnë në të – por ai tani është në rrezik, shkruan REL, përcjell Nistori.
Ndotja nga ujërat e zeza të patrajtuara që derdhen në liqen, në kufirin midis Shqipërisë dhe Maqedonisë së Veriut, po i mbyt peshqit dhe e ka shtyrë organizmin e OKB-së që të kërkojë pastrimin e tij.
“Uji është gjithmonë i kuq, i verdhë, i kafenjtë…Lumenjtë që derdhen në të, nga të gjitha anët, janë të ndotur. Unë nuk kam notuar këtu që tre apo katër vjet. Nuk i besoj cilësisë së ujit. Nuk është i pastër. Shoh fekale gjithandej.”, thotë Tashko, banor i Ohrit.
Ambientalistët paralajmërojnë se Ohri mund ta humbë statusin e UNESCO. UNESCO ka bërë 19 rekomandime për pastrimin e Ohrit.
“Rreth 35% e amvisërive në këtë rajon nuk janë të lidhura me sistemin e kanalizimit.”, shprehet Gjoko Zoroski nga Ecotoursism 2016, Ohër.
Autoritetet kanë thënë se do ta rinovojnë infrastrukturën e kanalizimit. Por, ka edhe plane për më shumë hotele dhe resorte. /Nistori/
