Agjencia për ushqim dhe veterinari (AUV) të premten kreu kontrolle të jashtëzakonshme në objektet hotelierike dhe objektet e shitjes me pakicë në qendrat turistike dimërore.
Siç njofton AUV, janë kontrolluar gjithsej 18 operatorë ushqimorë në qendrat e skijimit dhe rekreacionit, edhe atë në Kodrën e Diellit, Mavrovë, Ponikvë, Krushevë, Pelister dhe Mihajlovë.
“Shërbimet inspektuese të Agjencisë konstatuan mospërputhje në punën e vetëm një operatori, pra i njëjti nuk ishte i regjistruar në AUV si operator ushqimor. Për mospërputhjen e konstatuar është shqiptuar gjobë dhe është lëshuar urdhër për regjistrim të menjëhershëm”, thuhet në njoftimin e AUV-së.
Siç shtojnë ata, tek operatorët e tjerë të kontrolluar të ushqimit nuk është evidentuar asnjë shmangie nga rregulloret ligjore për sigurinë ushqimore.
