Zeqirija Ibrahimi në TV21 tha se liderët e VLEN-it kanë nisur negociatat me VMRO-DPMNE-në për ndarjen e resorëve.
“Keni ndarë resore? Keni negociuar me ndokënd?
Me VMRO-në. Është folur konceptualisht se për çfarë resorë jemi të interesuar ne. Duke parë kritikat e Komisionit Europian, ne…
Ju jeni VLEN? Po flet në emër të VLEN?
Po, VLEN-i…
Kush ka fol me VMRO-në?
Liderët e koalicionit.
Ka fol zotëri Gashi?
Të gjithë kanë folur…
Ka folur zotëri Taravari?
Të gjithë kanë folur…
Ka folur zotëri Mexhiti?
Të gjithë, të gjithë…
Ka folur zotëri Qoku?
Të gjithë, të gjithë bashkë.
Do të thotë të gjithë keni biseduar me Mickoskin ose me VMRO-në?
Po, po… Ne kemi kërkuar që të marrim përgjegjësi në sektoret për luftimin e korrupsionit për shkak se vërejtjes e Komisionit Europian, vërejtjet e Stejt Departamentit edhe pritjet e qytetarëve…
Do të thotë keni folur për ndarje të pushtetit?”, tha Ibrahimi
Reagoi Ilire Dauti dhe Krenar Lloga. Pyetën:
“Në emër të kujt?
Në emër të VLEN-it thanë se kanë diskutuar bashkë.
Jo, por në emër të kujt se zgjedhjet ende nuk kanë përfunduar”.
Zeqirja Ibrahimi nga VLEN, mohoi që ka një marrëveshje të nënshkruar nga lideri i tij Afrim Gashi, marrëveshje kjo e nënshkruar nga partitë shqiptare që pa ndryshimet kushtetuese të mos bëhen pjesë e Qeverisë.
Ibrahimi tha se Afrim Gashi nuk ka nënshkruar ndonjë marrëveshje me Ali Ahmetin.
“Tekst të marrëveshjes të nënshkruar ku është edhe Afrim Gashi i nënshkruar me Ali Ahmetin nuk ka”, tha Ibrahimi.
Ndërkohë, Krenar Lloga nga Fronti Europian kundërshtoi Ibrahimin ku tha së një marrëveshje e tillë ekziston dhe është e nënshkruar edhe nga Afrim Gashi.
“Teksti ekziston dhe është i nënshkruar edhe nga zotëri Afrim Gashi dhe nëse ai nuk e ka nda me partiakët e tij është në nderin e tij”, tha Lloga.
