Koalicioni qeverisës është i paqartë rreth qëndrimit për Korridorin 8. Derisa VLEN thotë se është prioritet, eksponentë të VMRO DPMNE-së thonë të kundërtën.
Ministrja e financave Gordana Dimitrievska Koçoska tha se e konsideron si një projekt që nuk jep vlerë të shtuar. Ajo duke iu drejtuar gazetareve pyeti se: “a njihni ndonjë kompani që sjell prodhime nga Durrësi dhe Burgasi”!?
Nga VMRO –DPMNE deklaratën e ministres e cilësojnë të mirë menduar dhe mirë sqaruar, ata thonë se ai është një korridor i cili përfundon në një tunel pa dalje.
Javë më parë Izet Mexhiti nga VLEN tha se janë ndarë 1 miliard euro për përfundimin e këtij korridori.
Kanë reaguar edhe nga Partia VMRO-Partia Popullore nga ku e kanë mbështetur këtë korridor. Nga atje thonë se janë të gatshëm të pranojnë ndryshime në projekt, por assesi nuk pranojnë anulimin e plotë. /TV21/
