Kryeministri Dimitar Kovaçevski, sot pati takim me ambasadoren e ShBA-së në vend, Anxhela Prajs Ageler për çështjet thelbësore në lidhje me përparimin e Maqedonisë së Veriut në integrimet evropiane, me ç’rast, siç kumtoi shërbimi për shtyp i Qeverisë, është theksuar vlera – të gjitha partitë politike në vend ta mbështesin rrugën evropiane të vendit, njofton AIM, përcjell Nistori.
Siç njoftojnë nga Qeveria, në takim u diskutuan çështjet thelbësore që kanë të bëjnë me progresin e Maqedonisë së Veriut në integrimet evropiane.
“Është riafirmuar mesazhi i qartë i Shteteve të Bashkuara të Amerikës, se Republika e Maqedonisë së Veriut, pas anëtarësimit në NATO, duhet të bëhet edhe anëtare e BE-së, për çka vendi ynë ka mbështetje të fortë dhe konkrete nga Shtetet e Bashkuara. U tha se Maqedonia e Veriut është faktor stabiliteti dhe sigurie në rajon dhe theksohet rëndësia – që të gjitha partitë politike në vend të mbështesin rrugën evropiane të vendit”.
“Në të njëjtën kohë, u shpreh pritshmëria që të gjithë liderët politikë të kenë parasysh kontekstin aktual të ngjarjeve dhe që vendimet e ardhshme politike në Kuvend të merren në atë drejtim. Në takimin me ambasadoren amerikane Ageler, si dhe në takimin e kryeministrit Kovaçevski me senatorin Chris Murphy në Shkup dhe në takimet me përfaqësuesit e lartë amerikan Blinken dhe Escobar në SHBA, u konstatua miqësia e sinqertë afatgjatë dhe e suksesshme strategjike. partneriteti mes Maqedonisë së Veriut dhe SHBA-së, i cili zhvillohet mbi parimet e besimit dhe mirëkuptimit”, thuhet në njoftimin e Qeverisë.
