Tetova është në qendër të vëmendjes këto ditë për shkak të rritjes dramatike të të sapo infektuarve me virusin Covid-19. Gazetarja e DW, Arbnora Memeti ka incizuar një situatë dramatike dhe skena kaotike në spitalin e Tetovës, përcjell Nistori.
Përderisa të prekurit nga virusi luftojnë për pak ajër dhe mjekët vrapojnë nga një pacient te tjetri, pamjet tregojnë se disa njerëz ecin lirshëm nëpër Spitalin Modular të Tetovës, shpesh pa maska dhe pa asnjë mbrojtje, në kërkim të të dashurve të tyre. Të tjerët u japin mbështetje të dashurve të ulur pranë shtretërve të tyre me kostume kozmike. Fluksi i pacientëve është i madh, dhe gazetat informojnë për vdekje të reja çdo ditë.
Incidenca e të infektuarve të sapo infektuarve me Covid-19 në Tetovë është ndër më të lartat në vend: që nga 29 gushti, ajo tejkaloi më shumë se 700 persona për 100,000 banorë. Në të njëjtën kohë, shkalla e vaksinimit të qytetarëve në Tetovë është ndër më të ultat në vend me mbulim prej 37% të personave mbi 18 vjeç. /Nistori/
