Maqedonasit në juglindje të Shqipërisë kanë kërkuar hapjen e një Konsullate të Përgjithshme në Korçë që nga viti 2013 gjatë një takimi në Pogradec me presidentin e atëhershëm të RMV-së Gjorgje Ivanov, përcjell Nistori.
Kjo u njoftua të mërkurën nga Shoqata Maqedonase “Ilinden” – Tiranë, ku përshëndetën vendimin e Qeverisë për të hapur një konsullatë në këtë rajon, duke e quajtur akt historik.
“Në emrin tim personal dhe në emër të Shoqatës Maqedonase ‘Ilinden’ – Tiranë dhe maqedonasve në Shqipëri, i shpreh urimet e mia Qeverisë së Republikës së Maqedonisë, e cila, me propozim të Ministrisë së Punëve të Jashtme dhe Tregtisë së Jashtme, ka vendosur të hapë një Konsullatë të Përgjithshme në Korçë, një ditë historike për maqedonasit në Shqipëri”, thuhet në deklaratën e nënshkruar nga kryetari i shoqatës, Nikolla Gjurgjaj.
Me propozim të Ministrisë së Punëve të Jashtme dhe Tregtisë së Jashtme, Qeveria në seancën e së martës vendosi të hapë një Konsullatë të Përgjithshme në Korçë, Shqipëri, e cila do të jetë me juridiksion në Korçë, Prespë të Vogël, Pogradec, Golo Bërdo dhe Gorë. /Nistori/
