Gjenocidin kundër tetë mijë civilëve në Srebrenicë është dënuar nga Maqedonia e Veriut që në vitin 2010, kur një Deklaratë u votua me konsensus në Parlament në vitin 2010 në mbështetje të Rezolutës për Srebrenicën të Parlamentit Evropian.
Me miratimin e deklaratës u dënua gjenocidi në qytetin boshnjak nga 11 deri më 23 korrik 1995. Me Deklaratën e miratuar është paraparë edhe përkujtimi i 11 korrikut – Ditës së Përkujtimit të Gjenocidit në Srebrenicë, me të cilën do të nderohen viktimat e masakrës.
Qëndrimi i Maqedonisë së Veriut mbetet i pandryshuar deri më sot, ndërsa ka pasur kritika ndaj Maqedonisë së Veriut dhe ministrit të Punëve të Jashtme, Bujar Osmani, pasi deklaroi se vendi është bashkësponsor, së bashku me Gjermaninë, SHBA-në dhe shtetet tjera të një Rezolute të Kombeve të Bashkuara për shpalljen e 11 korrikut si Ditën Ndërkombëtare të Kujtimit dhe Përkujtimit të Gjenocidit të Srebrenicës.
Njoftimi i Osmanit hasi në kritika në media, por edhe në mesin e politikanëve në Serbi, të cilët e konsideruan vendin të pafytyrë, të paturpshëm, mosmirënjohës dhe cinik. Në mesin e atyre që kanë reaguar ka qenë ministri i Jashtëm i Serbisë, Ivica Daçiq, si dhe ish-ministri i Mbrojtjes, Punëve të Brendshme dhe ish-drejtori i Agjencisë Serbe për Siguri dhe Informacion (BIA), Aleksandar Vulin.
Fyerje ka pasur edhe në vend, ku deputeti dhe kryetari i Partisë Demokratike të Serbëve, pjesë e koalicionit VMRO-DPMNE, ka thënë se ndaj Serbisë po bëhet armiqësi dhe e ka cilësuar gjenocidin në Srebrenicë si një “Disneyland nekrofil”.
