Zëvendëskryeministri i parë, Izet Mexhiti duke shprehur ngushëllime për familjet e viktimave nga Koçani garantoi se drejtësi për këtë rast do të ketë dhe për të gjitha rastet tjera, përfshi “Besa Trans”, Spitali modular në Tetovë, Llaskarca dhe të gjitha tragjeditë e tjera.
“Lufta jonë për një Maqedoni më të mirë do të ketë kuptim vetëm atëherë kur ata ndaj të cilëve sistemi ka qene i padrejtë do të ndjejnë se drejtësia, megjithatë, nuk është nocion i kapur nga mafia që kontrollon shtetin, siç për fat të keq ka qenë rasti për vite me radhë në të shkuarën, dhe se thirrjet e tyre për drejtësi do të hasin në përgjigje dhe reagim”, ka deklaruar Mexhiti në reagimin e tij.
