Autoritetet në qendrën e skijimit “Kodra e Diellit” njoftojnë se aktivitetet e skijimit janë ndërprerë përkohësisht për shkak të kushteve të pafavorshme atmosferike, shkruan Nistori.
“Për shkak të kushteve të pafavorshme të klimës dhe mjegullës së dendur, skijimi do të ndërpritet përkohësisht. Pritet që mjegulla të pastrohet dhe të vazhdojmë me aktivitetet e skijimit”, thuhet në njoftimin zyrtar të qendrës.
Skiatorët dhe vizitorët këshilliohen të ndjekin me kujdes njoftimet zyrtare për të qenë të informuar mbi rifillimin e aktiviteteve sportive dhe kushtet në terren.
Ndryshe, Kodra e Diellit, një ndër destinacionet më të njohura dimërore në Maqedoninë e Veriut, ofron terrene të shumta për skijim dhe aktivitete rekreative gjatë sezonit të ftohtë. Pavarësisht ndërprerjes së përkohshme, pritet që situata të përmirësohet me qetësimin e motit dhe largimin e mjegullës. /Nistori/
