Dukshmëria në pjesë të Pekinit sot është më pak se 200 metra, pasi ndotja e madhe ka mbuluar kryeqytetin kinez, duke detyruar mbylljen e disa autostradave.
Pekini lëshoi dje paralajmërimin e tij të parë për ndotje të madhe për vjeshtën dhe dimrin, duke kërkuar pezullimin e disa punimeve të ndërtimit në natyrë, operacioneve të fabrikës dhe aktiviteteve shkollore.
Dukshmëria është shumë e kufizuar dhe majat e ndërtesave më të larta në qytet janë të padukshme nga mjegulla.
Rajoni industrial Pekin-Tianjin-Hebei shpesh përballet me smog të rëndë në vjeshtë dhe dimër, veçanërisht në ditët pa erë.
Megjithatë, vala e ftohtë që vjen nga Siberia gjatë fundjavës pritet të shpërndajë ndotjen.
Kina synon të zvogëlojë përqendrimin e grimcave të rrezikshme dhe të vogla në ajër të njohura si PM2.5 me një mesatare prej 4.0 përqind çdo vit në qytetet kryesore këtë dimër, njoftoi Ministria Kineze e Mjedisit muajin e kaluar.
Niveli i PM2.5 në zonat urbane ka arritur sot deri në 234 mikrogramë për metër kub, sipas të dhënave të Ambasadës Amerikane në Pekin, të cilat flasin për ajër shumë të pashëndetshëm.
