Një shqiptar mes personave të shpëtuar nga gomonia e përmbytur në Kanalin Anglez

    Një shqiptar ndodhet mes personave të shpëtuar nga gomonia e cila u përmbyt në orët e para të mëngjesit të sotëm në Kanalin Anglez, në tentativë për të mbërritur në brigjet britanike.

    Fatbardha Celaj një përkthyese Shqiptare e cila punon në spitalin e Kentbury në Britaninë e Madhe tregon në një intervistë për gazetarin Klodian Zhivani se ka kontaktuar me shqiptarin e identifikuar si Denisi me origjinë nga veriu i Shqipërisë.

    Ajo tha se gjendja e tij është shëndoshë e mirë, por është i traumatizuar nga ngjarja e cila humbën jetën katër persona të tjerë.

    Fatbardha Celaj: Unë jam përkthyese  në Britani. Jam në spitalin e Kentbury aktualisht. Situata është shumë e ndjerë. Ndodhen 34 persona që i kanë shpëtuar tragjedisë. Mes tyre është një shqiptar, i quajtur Denis. Ai nuk do të prononcohet, unë kam kontaktuar me prindërit e tij, është shumë. Vetëm Denisi është identifikuar si shqipfolës. Është nga veriu, gjendja është shumë mirë, por është i traumatizuar ende.

    Klodian ZhivaniSi është gjendja e personave të tjerë?

    Fatbardha Celaj: Gjendja e personave të tjerë është shumë e komplikuar, gjuhët e tjerëve nuk i dimë. Mundohemi të hyjmë në çdo dhomë, mundohemi të gjejmë mos ka shqipfolës të tjerë. Gjendja e tyre është shumë e rëndë. Katër  janë identifikuar  të vdekur. 34 janë këtu në spital, nuk mund të japim shumë detaje,  nuk japim dot detaje para autoriteteve

    Klodian ZhivaniCili është apeli për të gjithë prindërit shqiptarë?

    Fatbardha Celaj: Ju lutem qetësohuni, deri tani vetëm Denisi është identifikuar. Mos i nisni fëmijët në mënyrë të jashtëligjshme. Nuk e di, jam shumë e emocionuar të shoh këtë gjë të padëshirueshme. Ju lutem mos i nisni, mbajini afër. /TCh/

    Lajmi Paraprak

    Korrupsioni në RMV, ndërkombëtarët kërkojnë rezultate

    Lajmi i rradhës

    Parlamenti dhe Këshilli i BE-së bien dakord për udhëtimin pa viza për qytetarët e Kosovës

    Lajme tjera

    Bashkohu

    Informohu në kohë