Deri të mërkurën e javës së ardhshme, Klinikat Universitare duhet t’i përgjigjen letrës së dërguar nga Shërbimi i Çështjeve të Përbashkëta dhe të deklarojnë nëse janë dakord me planin e propozuar operativ, i cili parashikon që Klinikat të mbulojnë gati 342 mijë euro për zëvendësimin e pajisjeve dhe instalimeve të stacionit qendror të kompresorit nga gjithsej 455.000 euro.
Kështu thotë drejtori i Shërbimeve të përbashkëta, Mirsad Ibrahimi. Ai për Kanal 5 sqaron se nëse gjithçka shkon siç duhet, afati për ndërtimin e stacionit të kompresorit është deri në Vitin e Ri.
“7.000.000 denarë që Institucioni publik i shëndetësisë i ka paraparë në planin e prokurimit publik për vitin 2024. 21.000.000 denarë nga Klinikat Universitare të ISHP-së në Kompleksin Klinikë Nënë Tereza”.
“Afati optimist për kryerjen e aktiviteteve të mësipërme – 146 ditë (5 muaj). Afati aktual për kryerjen e aktiviteteve të sipërpërmendura është 180 ditë (6 muaj)”, thuhet në planin operacional, i cili kaloi edhe dje filtrin e qeverisë.
Edhe pse ndërkohë disa nga sallat e klinikës u hapën me kompresorë të jashtëm, jo të gjitha operacionet janë përfunduar, kështu që në 5 deri në 6 muajt e ardhshëm pacientët do të duhet të kërkojnë alternativa.
Rasti me sallat kirurgjike është duke u hetuar edhe nga Prokuroria Publike, e cila duhet të konstatojë nëse ka elemente të veprës penale, ndërsa lëndë ka hapur edhe Avokati i Popullit, i cili nga ana e tij kontrollon nëse janë shkelur të drejtat e pacientëve, cili është trajtimi i pacientëve që janë përballur me shtyrjen e operacionit dhe sa operacione janë shtyrë./Nistori/
