Në Maqedoninë e Veriut është regjistruar rritje e kostos për jetesë dhe çmimeve me pakicë, krahasuar me prillin e vitit të kaluar. Në disa produkte u regjistrua edhe rritje më e madhe.
“Indeksi i kostos për jetesë në muajin prill të vitit 2026, krahasuar me muajin prill të vitit 2025, shënoi rritje prej 5.7%, dhe indeksi i çmimeve me pakicë shënoi rritje prej 5.0%”, raportoi Enti Shtetëror i Statistikave.
Në koston e jetesës, dallojmë rritjen e kostos te pijet alkoolike, duhani dhe narkotikët për 10.2 përqind dhe te ushqimet dhe pijet joalkoolike (8 përqind).
Krahasuar me prillin e kaluar, te çmimet me pakicë rritje më e madhe u regjistrua te produktet ushqimore industriale (7.4 %) dhe te produktet ushqimore (7.2 përqind).
Në asnjërin sektor nuk u regjistrua ulje e çmimeve dhe kostos për jetesë.
