Ekspertët e shëndetit po u bëjnë thirrje më shumë qytetarëve amerikanë që të vaksinohen kundër virusit Covid-19, pasi është vlerësuar se më shumë njerëz në Shtetet e Bashkuara kanë vdekur tashmë nga COVID-19 sesa nga gripi spanjoll, mbi një shekull më parë, përcjell Nistori nga REL.
Edhe pse shumica e njerëzve që vdesin nuk janë të vaksinuar plotësisht, 36 për qind e popullsisë amerikane mbetet e pavaksinuar.
Sipas Qendrave amerikane për Kontrollin dhe Parandalimin e Sëmundjeve, gripi spanjoll ka marrë jetën e 50 milionë njerëzve në të gjithë botën.
Numri i viktimave globale nga Covid-19 aktualisht është mbi 4.6 milionë.
Në një spital në Sarasota të Floridës, personeli mjekësor thotë se është i lodhur.
“Është dëshpëruese. Uroj që të gjithë të vaksinohen dhe të mos vazhdojmë më kështu. “, shprehet Dana Verminski, infermiere.
Shumica e njerëzve që vdesin nuk janë të vaksinuar plotësisht, 36 për qind e amerikanëve mbetet e pavaksinuar. Për ngurrimin e njerëzve fajësohen rrëfimet e pabaza për sigurinë dhe efikasitetin e vaksinave, që qarkullojnë në mediumet online. /REL/Nistori/
