I gjithë territori i Maqedonisë të enjten dhe të premten do të jetë nën ndikimin e valës së nxehtë me temperatura të larta të mëngjesit dhe ditës që në shumë vende do të jenë mbi 35 gradë Celsius, ndërsa në pjesët juglindore mbi 40 gradë Celsius, njofton Administrata për Çështjet Hidrometeorologjike (DPH – drejtoria për punë hidrometerologjike). Të enjten dhe të premten do të jetë aktiv niveli portokalli i rrezikut nga temperaturat e larta.
“Të premten gjatë natës do të ketë vranësira të shtuara me paraqitje të reshjeve të herëpashershme”, bën me dije DPH.
