Gjatë jetës së saj, Nënë Tereza, për punën e saj humanitare, ka marrë më shumë se 700 çmime dhe konsiderohet si personi më i vlerësuar i shekullit të 20-të. Ajo është fituese e Çmimit Nobel për Paqen.
Shqiptarja Gonxhe Agnes Bojaxhiu ka lindur më 26 gusht 1910, në rrugën e atëhershme “Pop Koçina” numër 14, e cila ndodhej në sheshin e sotëm Maqedonia.
Kryeministri Hristijan Mickoski, me rastin e 114 vjetorit të ditëlindjes së Nënë Terezës, mori pjesë në manifestimin “Drita e Gonxhes” në shtëpinë përkujtimore dhe monumentin e Nënë Terezës në rrugën “Maqedonia”. Për nder të Nënë Terezës do të ketë edhe ngjarje të tjera, si koncerti klasik në qendrën informative kulturore në Shkup.
