Një familje prej katër anëtarësh i nevojiten 17 mijë denarë për ushqim sipas shportës sindikale të majit të publikuar nga Lidhja e Sindikatave.
Për mbulimin e shpenzimeve të përgjithshme nga buxheti familjar nevojiten afro 12 mijë denarë. Për higjienë 2 689 denarë, transport 3 363 denarë, blerja e rrobave dhe këpucëve 2 208 denarë dhe ruajtja e shëndetit 784 denarë.
Për një muaj për plotësimin e nevojave elementare, familjes i nevojiten 38 791 denarë.
Shporta sindikale:
Ushqime dhe pije 17.001 den
Banimi 11.675 denarë
Higjiena 2.689 den
Transporti 3.363 denarë
Këpucë dhe veshmbathje 2.208 denarë
Mirëmbajtja shëndetësore 784 denarë
Gjithsej 38.791 denarë
Faktori më i madh për rritjen e shportës sindikale është rritja e çmimeve të ushqimeve. Nga maji i vitit të kaluar, një familje prej katër anëtarësh duhet të ndajë gati pesë mijë denarë më shumë për të mbuluar nevojat mujore.
“Vetëm për një vit ose nga viti i kaluar 2021, muaji i njëjtë pra maji kur shporta minimale sindikale ishte 34 156,00 denarë, është rritur për 4 635,00 denarë ose 12,78%”, thonë nga Lidhja e Sindikatave.
Lidhja e Sindikatave kërkon që menjëherë të rriten pagat për 2806 denarë secilit të punësuar në sektorin publik për të mbuluar shpenzimet.
Sindikata i ka dhënë afat deri më 22 qershor Qeverisë për ta pranuar kërkesën e tyre, në të kundërtën do të hidhet në grevë të përgjithshme. /Alsat/
