Shteti ndan rreth 160 mijë dollarë bursë për një student që të studiojë në një prej 100 universiteteve më të mira të botës, por në shumicën e rasteve nuk interesohet më për të që ta shoh ku ndodhet dhe as t’i ofrojë punë të përshtatshme me nivelin e arsimimit. Kështu thonë të dhënat e hulumtimit të “Forumit Arsimor Rinor”
“Shumica e studentëve që kanë shkuar jashtë vendit, janë kthyer dhe nuk janë kontaktuar nga ana e ministrisë së arsimit dhe shkencës dhe institucioneve, e ata që janë kontaktuar u janë ofruar oferta të papërshtatshme për dallim prej shkallës së tyre të arsimimit“, tha Risto Saveski, drejtor i shoqatës qytetare “Forumi Arsimor Rinor”.
Autorët e hulumtimit thonë se Ministria e Arsimit dhe Shkencës nuk ka të dhëna të sakta për numrin e studentëve të kthyer, pasi evidenca është e pakompletuar dhe grafat për përfundim të studimeve, kthime apo punësime këtu janë të zbrazëta në shumicën e rasteve. Problematikë tjetër që është gjetur gjatë hulumtimit është edhe mënyra e ndarjes së bursave.
“Ajo që qarkullon në opinion është skeptike se mënyra e dhënies së bursave dhe procesi I selektimit nuk është I drejtë, me atë që më së shpeshti fitojnë student që janë më të privilegjuar, gjegjësisht kanë lidhje të tjera ose mundësi financiare që t’I marrin këto bursa. Vetë procesi I selektimit është lënë në duart e komisionit që formohet çdo vit dhe ai process nuk është transparent për opinionin dhe kjo doli si problematikë nga analiza”, tha Lucija Çukellovska, autore e hulumtimit.
Vlera e bursës fillon nga 40 mijë dollar në vit për një student. Për 10 vite janë shpërndarë rreth 389 bursa. Vendet më atraktive për studime janë Anglia, SHBA-të dhe Holanda, por studentët preferojnë poashtu edhe Belgjikën dhe Italinë. /Alsat/
