Pronarët e mëparshëm të objektit me sipërfaqe brenda prej mbi 1400 metra katrorë, i cili ka dhjetë vjet që ka dalë jashtë përdorimit, na çojnë në kontakt me partinë, por edhe me institucionet e drejtuara nga “integruesit”, tregojnë të dhënat e siguruara nga Fokus, përcjell Nistori.
BDI-ja në pushtet e udhëhequr nga Ali Ahmeti ka arritur të zmadhojë pasurinë e paluajtshme partiake me një objekt afarist-administrativ që ndodhet në qendër të Tetovës, në rrethin e “Telekom”.
Sipas të dhënave të siguruara, bëhet fjalë për një godinë me katin përdhes dhe 3 kate, me sipërfaqe 452 metra katrorë dhe me sipërfaqe të brendshme 1423 metra katrorë.
Përkatësisht, BDI-ja e ka në pronësi objektin në ngastrën kadastrale 2061/3 përmes certifikatës pronësore 38220, ndërsa toka është ende në pronësi të shtetit përmes certifikatës pronësore 38219.
Siç na tha shefi i departamentit financiar të BDI-së, Bejtulla Ademi, për blerjen e këtij objekti kanë marrë një kredi bankare prej rreth 900 mijë euro, me afat kthimi prej 7 vitesh.
Lidhur me pyetjen se për çfarë qëllimi partia planifikon ta shfrytëzojë objektin, ku shihet një plakatë e Forumit të të rinjve të BDI-së dhe postera të liderit të partisë, Ademi u përgjigj se nuk i takon përgjegjësive dhe kompetencave të tij.
Prandaj të njëjtën pyetje ia kemi bërë edhe Artan Grubit, shefit të kabinetit të Ahmetit, por deri më tani nuk kemi marrë asnjë përgjigje.
Ndryshe, dokumentacioni i siguruar tregon se pronarët e mëparshëm të objektit çojnë në relacion me partinë, por edhe me institucionet e drejtuara nga “integruesit”.
Konkretisht, BDI-ja e bleu objektin nga kompania “Infiniti-MG”, së fundmi e quajtur “Zega Group”. Sipas Regjistrit Qendror, pronare e kësaj kompanie është menaxherja e ish-shkollës së famshme “Wilson School”, Elita Zulbeari-Masha, përcjell Nistori.
Ajo nuk i fsheh prirjet për BDI-në, por ka ditur të bëjë edhe kritika. Madje, ajo ka reaguar kur BDI nuk ka nominuar asnjë grua në qeverisjen e kaluar, duke thënë se do të organizonte protesta në Reçicën e Vogël, nëse do të ishte në krye të Forumit të Gruas partiake.
Paraprakisht, objekti ishte në pronësi të kompanisë së njohur ndërtimore tetovare “AK-Invest” të biznesmenit Azbi Ibrahimi, djali i të cilit Fitim Ibrahimi dikur themeloi kompaninë tregtare të energjisë elektrike “U-Power”, së bashku me Arianit Xhaferin, djalin e ish-ministrit dhe zëvendëskryeministër i BDI-së, Musa Xhaferi.
Siç dihet, “AK-Invest” në vitet e kaluara ka hyrë në grupin e kompanive më të suksesshme të ndërtimit në vend, bazuar në të hyrat dhe fitimet që kanë arritur. Përveç projekteve të shumta të sponsorizuara privatisht, kjo kompani tetovare ka fituar edhe tenderë.
Sipas Byrosë për Prokurim Publik, kompania ka lidhur disa kontrata të prokurimit publik me organet e udhëhequra nga stafi i BDI-së, me marrëveshjen më të madhe me Ministrinë e Ekologjisë për ndërtimin e kanalizimit fekal dhe atmosferik në Gostivar, në vlerë prej 130 milionë denarë.
Kompania është përgjigjur se objekti që tani është në pronësi të BDI-së është blerë në vitin 2011 nga “Albnor Company” për 650 mijë euro dhe po aq para dhe i është shitur “Infiniti-MG”, pra “Zega Group”-in e sotëm, në vitin 2020.
Për gjithë këtë periudhë prej 9 vitesh, thekson kompania, objekti nuk është përdorur dhe as dhënë me qira, por, siç theksojnë ata, pasuria e paluajtshme ka qëndruar gjatë gjithë kohës “bosh dhe e siguruar”.
Ndonëse e zotëronte për një kohë të gjatë, kompania nuk u zhvendos në këtë objekt, pasi sipas shpjegimit të tyre, nuk kishte hapësirë dhe kushte të mjaftueshme për të ruajtur makineritë dhe pajisjet e ndërtimit që zotëronin.
Tekstin e plotë lexoni në numrin e ri të së përjavshmes së Fokus të cilën mund ta blini edhe në formë elektronike në këtë link. /Nistori/
