Një kamikaz ka kryer sulm vdekjeprurës brenda një xhamie në Peshawar në jugperëndim të Pakistanit, duke aktivizuar jelekun e mbushur me lëndë shpërthyese.
Si pasojë e kësaj kanë humbur jetën të paktën 20 persona dhe 96 tjerë janë plagosur, ka bërë të ditur policia pakistaneze, transmeton Telegrafi.
Deri më tani askush nuk e ka marrë përgjegjësinë për sulmin kamikaz tha Saddique Khan, zyrtar i lartë i policisë në Peshawar i cili foli edhe për numrin e viktimave.
Talebanët e Pakistanit janë akuzuar shpesh për sulme të ngjashme kamikaze në të kaluarën.
Kamikazi kishte aktivizuar jelekun me eksploziv derisa rreth 150 besimtarë përfshirë shumë policë, po kryenin ritet brenda xhamisë. Nga ky sulm është shembur kulmi i xhamisë, që lëndoi shumë persona.
Ekipet e shpëtimit janë duke bërë të pamundurën që t’i shpëtojnë personat që kanë ngecur nën rrënoja, pasi është shembur kulmi i xhamisë.
Peshawari është qyteti kryesor i rajonit Khyber Pakhtunkhwa që kufizohet me Afganistanin, dhe konsiderohet si “cak” i sulmeve të militantëve.
In #Pakistan, a suicide bomber blew himself up in a mosque.
— NEXTA (@nexta_tv) January 30, 2023
According to preliminary data, two people were killed and more than 70 were wounded. pic.twitter.com/fJeKOwiYAI
The explosion at a mosque in #Peshawar killed at least 17 people, local media reports. pic.twitter.com/1GMl6c3LG4
— NEXTA (@nexta_tv) January 30, 2023
