Ministri i Punëve të Brendshme, Pançe Toshkovski, në “Tema e ditës”, i pyetur nëse për tragjedinë e Koçanit ka të dyshuar zyrtarë aktualë të instaluar nga pushteti në inspektoriatet dhe policinë, u përgjigj se po hetohen vetëm “veprat e bëra në të kaluarën”, përcjell Nistori.
Ndryshe, qeveria e re ka filluar emërimin e kuadrove të veta në menaxhment që nga qershori, kur është formuar qeveria e re.
“Deri më tani po punohet për vërtetimin e fakteve për sa i përket veprimeve përmbarimore që janë marrë ose jo për licenca, leje, mendime, legalizime specifike. Këto veprime janë bërë në të kaluarën, nuk janë ndërmarrë sot dhe është normale që në këtë procedurë bazat e dyshimit të drejtohen ndaj personave që kanë bërë apo nuk kanë bërë një veprim të caktuar që e kanë bërë në mënyrë të kundërligjshme. Të gjitha këto veprime për të cilat po flas janë bërë vite më parë, andaj edhe këta persona të cilët i kemi dyshuar, apo i kemi arrestuar, janë në paraburgim, apo ndaj të cilëve po veprojmë, janë pjesë e personave ndaj të cilëve ne po ndërmarrim veprime, në periudhën e kaluar”, tha Toshkovski.
Për kryetarin e dorëhequr Ljupço Papazov, i cili e la gjykatën të lirë, ai tha vetëm se “duhet t’i drejtohemi arsyes”. /Nistori/
