FIFA thuhet se është e pakënaqur me mënyrën se si VAR po përdoret në të gjithë botën.
Organi qeverisës i futbollit shqetësohet se teknologjia nuk po përdoret më për të korrigjuar gabimet e qarta dhe të dukshme nga gjyqtarët në fushë.
Në vend të kësaj, në shumë raste, VAR përfundon duke e rigjykuar ndeshjen.
Presidenti i FIFA-s, Gianni Infantino, dëshiron që sistemi VAR të hedhë dritë mbi futbollin, në vend që t’i ndërlikojë më tej gjërat.
Shefi i gjyqtarëve kryesorë të FIFA-s, Pierluigi Collina, gjithashtu shprehu të njëjtat mendime.
FIFA thotë se që nga Kupa e Botës për Klube në vitin 2025, do të bëhen ndryshime rrënjësore në VAR për të siguruar që, në vend që të ndërlikojë gjërat në fushë, të ndihmojë në përmirësimin e lojës.
“VAR përfaqëson ndryshimin më të madh që futbolli ka parë në më shumë se një shekull, por përfitimet e vërteta nuk komunikohen. Komunikimi është e vetmja fushë ku kemi dështuar. Ishim aq të përqendruar në zbatimin e protokollit dhe teknologjisë siç duhet saqë shpjegimi i asaj që do të thotë VAR humbi”, tha David Elleray, kreu i IFAB-it.
