Fituesit e Topit të Artë nga 1956 deri sot

Që nga viti 1956, kur Stanley Matthews i Blackpool-it u bë fituesi i parë i Topit të Artë, ky çmim ka ndjekur historinë e futbollit dhe ka shpërblyer lojtarët më të mirë të botës çdo vit. Pas Matthews, emra legjendarë si Alfredo Di Stéfano, Johan Cruyff, Franz Beckenbauer dhe Michel Platini kanë shënuar epokë, duke fituar disa herë radhazi dhe duke lënë gjurmë në historinë e futbollit, shkruan Nistori.

Në vitet ’90, superylli brazilian Ronaldo Nazário fitoi çmimin dy herë (1997 dhe 2002), ndërsa emra si Zinedine Zidane, Rivaldo dhe Luis Figo dominuan skenën evropiane. Në vitet 2000, beteja për Topin e Artë u përqendrua kryesisht mes Lionel Messit dhe Cristiano Ronaldos, të cilët dominuan një dekadë të tërë dhe shkruan rekorde historike me fitoret e tyre.

Vitet e fundit kanë sjellë surpriza dhe lojtarë të rinj që sfidojnë legjendat. Rodri nga Manchester City fitoi çmimin për vitin 2024, ndërsa për vitin 2025, ylli francez Ousmane Dembélé mori Topin e Artë për herë të parë në karrierën e tij me Paris Saint-Germain.

Në vitin 2020, Topi i Artë nuk u dha. Arsyeja ishte pandemia e COVID 19, e cila ndërpreu kampionatet, ndryshoi kalendarin dhe vlerësimet e lojtarëve u bënë shumë të vështira për t’i krahasuar drejtësisht. France Football, organizatori i çmimit, vendosi që asnjë lojtar të mos shpërblehej atë vit për shkak të këtyre rrethanave të jashtëzakonshme. /Nistori/