Barcelona dhe Lamine Yamal kanë arritur marrëveshje për një kontratë të re për 17-vjeçarin, sipas disa raportimeve të ndryshme.
Adoleshenti pati një rritje të shpejt në botën e futbollit dhe blaugranasit tanimë e konsiderojnë atë si një gurthemel të së ardhmes së tyre.
Agjenti i tij Jorge Mendes ishte në Barcelonë të hënën për të diskutuar disa çështje të transferimeve me klubin, por kontrata për Lamine Yamal ishte në krye të agjendës.
Kjo çështje ishte diskutuar publikisht që nga dhjetori, por Lamine Yamal gjithmonë kishte siguruar se nuk do të largohej nga Barcelona.
🚨🔵🔴 EXCLUSIVE: Lamine Yamal will SIGN new deal at Barcelona tomorrow, all done!
— Fabrizio Romano (@FabrizioRomano) May 26, 2025
Agreement until June 2031 sealed today with agent Jorge Mendes key to get it done with Barça.
SIX year contract, one more crucial move for Barça director Deco and president Laporta. ✍🏻🏁 pic.twitter.com/nM7AdjcQ6O
Sipas Mundo Deportivo, dy ose tri detaje mbetet të diskutohen pas takimit të fundit mes Mendes dhe presidentit të Barcelonës, Joan Laporta.
Fabrizio Romano ka pretenduar se marrëveshja do të zgjasë deri në 2031, ani pse ideja fillestare ishte që rinovimi të bëhej deri në 2030.
Lamine Yamal mund ta nënshkruajë kontratën e re jo më larg se nesër, me marrëveshjen e plotë që duket tashmë e pashmangshme.
