Sektori për Punë të Brendshme – Shkup, në koordinim me Prokurorinë Themelore Publike – Shkup, po ndërmerr veprime pas brohoritjeve të djeshme – “Ilirida” në ndeshjen Shkendija-Karabak në arenën “Todor Proeski”.
“Ju informojmë se SPB Shkup, bazuar në materialin e regjistruar dhe të dokumentuar, po merr masa në koordinim me prokurorin publik kompetent”, thonë nga MPB.
Gjatë transmetimit të ndeshjes, dëgjohen thirrje “Ilirida”. Sipas mediave maqedonase Ilirida është emër i një koncepti politik “të një pjese të shqiptarëve në Maqedoni që nënkupton formimin e një republike të pavarur” në territorin e pjesës perëndimore të vendit.
