Për përdorimin e emrit Maqedoni dhe atë siç shkruajnë “tri herë”, mediat greke e vendosin theksin në theksin në tekstet për fjalimin në Kuvend të madatarit për Qeverinë e re Hristijan Mickoski, ndërsa një pjesë e portaleve informative komentojnë se bëhet fjalë për “provokim të ri”, raporton korrespondentja e AIM nga Athina, përcjell Nistori.
Edicionet onlajn të mediave, kryesisht e përcjellin lajmin e agjencisë greke të lajmeve ANA-MPA nën titullin “Maqedonia e Veriut: Hristijan Mickoski e ka quajtur vendin “Maqedoni” në ekspozenë si mandatar për Qeverinë e tij”, ndërsa në tekst është sqaruar se në Kuvend filloi seanca dyditore për zgjedhjen e Qeverisë “që do të udhëheqë VMRO-DPMNE e djathtë me kryeministër, liderin e kësaj partie Hristijan Mickoski”.
“Kryeministri i ardhshëm Hristijan Mickoski në ekspozenë për programin e Qeverisë që do ta udhëheqë, tri herë e quajti vendin “Maqedoni”, pa e përdorë emrin kushtetues të shtetit, shkruan ANA-MPA, ndërsa përqendrohet edhe në pjesën e politikës së jashtme, duke raportuar se Mickoski “e përsëriri mbështetjen e vendit të tij për Ukrainën, ndërsa përmendi se qeveria e tij do të kultivojë marrëdhënie të bashkëpunimit me vendet fqinje”
Agjencia greke e lajmeve tha se deklarata e fundit e Mickoskit ishte “në inaugurimin e qeverisë së tij dhe do ta përdorë emrin e kushtetutës të shtetit”.
Teksti konkret është marrë nga pjesa tjetër e mediave në Greqi, të cilin e transmetojnë me tituj të ndryshëm: “Provokim i ri nga Mickoski: Sërish foli për Maqedoninë”; “Provokim i ri: Kryeministri Mickoski tri herë e quajti “Maqedoni” vendin e tij, “Sërish provokon Mickoski: Sërish vendin e quan “Maqedoni”; “Mickoski: Tri herë e quajti vendin e tij “Maqedoni” gjatë fjalimit në Kuvend”.
