Kjo është një situatë shumë e rëndë, kur në të gjithë vendin flitet se në disa universitete apo fakultete, pavarësisht nëse janë publike apo private, blihen diploma, që do të thotë se studentët nuk po marrin cilësinë e njohurive që duhet të marrin. Do të paraqiten disa herë në fakultet ose nuk do të paraqiten fare dhe do të marrin diplomë, tha ministrja e Arsimit dhe Shkencës, Vesna Janevska, në panelin e sotëm me temën “Përmirësimi i arsimit”, përcjell Nistori.
Ministrja theksoi se rastet që kanë të bëjnë me diploma të blera janë të vështira për t’u vërtetuar.
“Kur përpiqesh të marrësh informacione përkatëse, kuptohet që as shitësi dhe as blerësi nuk do të ngrihen për ta thënë atë publikisht. Por dëshmitë e cilësisë së dobët të diplomave të caktuara shohim çdo ditë te personat e përfshirë në procese të ndryshme të punës në administratë, sepse ato nuk gjenden në sektorin privat, natyrisht, apo në disa pozicione të tjera pune”, tha ministrja.
Janevska shtoi se Ministria e Arsimit dhe Shkencës po monitoron seriozisht punën e fakulteteve, për të ndalur procesin e dhënies së diplomave në disproporcion me vlerën e tyre reale dhe krijimin e identiteteve të rreme.
“Të vërtetosh këtë është paksa e vështirë dhe është një detyrë mjaft serioze dhe e mundimshme. Megjithatë, ka mundësi të tjera përmes të cilave ne fillimisht do të përpiqeshim dhe më pas në hapin tjetër dhe me siguri do ta ndalonim këtë proces. Kjo do të thotë monitorim serioz i punës së fakulteteve apo universiteteve, duke përdorur mjetet që kemi aktualisht në dispozicion për ta bërë këtë. Kjo do të thotë se aktualisht po shfrytëzojmë Inspektoratin Shtetëror të Arsimit dhe mundësitë ligjore të parashikuara në Ligjin për Inspektoratin Shtetëror të Arsimit, Ligjin për Arsimin e Lartë dhe Agjencinë për Cilësi në Arsimin e Lartë. Ne bëjmë përpjekje të forta për të vepruar dhe për të marrë masa kudo që kemi një raport se diçka e parregullt po ndodh. Inspektorati Shtetëror i Arsimit në 6 muajt e fundit ka vepruar në 1400 raste, që është një numër i madh”, sqaroi Janevska.
Ministrja ndër të tjera theksoi se në të ardhmen do të ndërmerren veprime edhe më rigoroze, me qëllim që ata që realisht investojnë energji në arsim dhe të zhvillohen intelektualisht që të mos lejohen të largohen nga vendi. /Nistori/
