Kreu i ASh, pjesë e VLEN, Arben Taravari në deklaratë për TV21 tha se ndjehet krenar që mori pjesë në disa nga manifestimet me rastin e inaugurimit të presidentit amerikan Donald Trump. Taravari thotë se biletën e avionit dhe qëndrimin në hotel e ka paguar vetë, ndërsa tiketën siç thotë ai, ia kanë paguar miqtë në ShBA, përcjell Nistori.
“Pavarësisht kritikave, unë them se tiketën apo biletën ma kanë siguruar miq, të cilët i kemi në SHBA. Nuk kam paguar asnjë denar. Harxhimet për biletën e avionit dhe hotelin atje e kam paguar privatisht unë. Ndjehem shumë krenar që mora pjesë në disa manifestime gjatë procedurës së inaugurimit të një presidenti amerikan, vërtet është kënaqësi e veçantë që të mundesh të marrish pjesë. Më vjen keq nëse dikush nuk mund të shkonte, por unë nuk desha ta lëshojë këtë shansë, edhe sugjerimet e miqve që i konsideroj shumë të sinqertë ishte që mirë është të jem atje dhe isha atje”, deklaroi Taravari.
Taravari foli edhe për njoftimin për sistemin e ajrit të kompresuar në lompleksin e klinikave “Nënë Tereza” ishte vetëm për montimin dhe instalimin e të njëjtit. Taravari tha se këtë javë pritet të bëhet testimi i sistemit, dhe i njëjti të vihet në funksion në fund të muajit janar. /Nistori/
