Enti Shtetëror për Revizion (ESHR) pas revizionit të kryer në raportet financiare së bashku me revizionin e harmonizimit të Klinikës Universitare për Hematologji, në llogari të mjeteve financiare nga Fondi (737) për vitin 2023 shpreh mendim të pavolitshëm lidhur me vërtetësinë dhe objektivitetin e raporteve financiare dhe mendimin me rezerva për harmonoizimin e transaksioneve financiare me rregullativë relevante ligjore për vitin 2023.
“Është kryer revizion i raporteve financiare edhe për harmonizimin me ligjet dhe dispozitat për vitin 2017 dhe është shprehur mendim me rezerva lidhur me vërtetësinë dhe objektivitetin e raporteve financiare dhe për harmonizimin e transaksioneve financiare me rregullativë relevante ligjore”, njoftoi ESHR. Me revizionin, siç theksojnë nga ESHR-ja, është përfshirë edhe zbatimi i rekomandimeve të dhëna në Raportin përfundimtar të revizionit shtetëror të autorizuar për vitin 2017 dhe është përcaktuar se nga pesë rekomandimet e dhëna, tre janë zbatuar, një është zbatuar pjesërisht dhe një rekomandim nuk është zbatuar fare.
“Me revizionin e kryer të raporteve financiare të Klinikës për vitin 2023 është vërtetuar se ilaçet e marra dhe të konsumuara për sëmundje të rralla dhe ilaçet e dhuruara nuk ishin regjistruar në regjistrat e kontabilitetit, ndërsa në disa nga procedurat e prokurimit publik të kryera, kemi vërejtur zbatim të papërshtatshëm të Ligjit për furnizime publike dhe – pagesë jokronologjike të detyrimeve të marra përsipër”, thonë nga ESHR-ja. Për të kapërcyer kushtet e identifikuara, auditorët dhanë rekomandime për personat dhe autoritetet kompetente që të ndërmarrin masa dhe aktivitete me qëllim përmirësimin e kushteve.
Në seksionin e Çështjeve të tjera, auditorët raportojnë për Sistemin kombëtar për operacionet materiale-financiare dhe të kontabilitetit dhe Sistemin qendror për regjistrimin e orëve të punës në Ministri, të cilat nuk janë krijuar plotësisht. “Në seksionin e mungesave në kontrollet e brendshme, janë raportuar dobësi në kontrollet në disa nga proceset e punës në Klinikë. Ish-menaxherët e Klinikës dorëzuan një vërejtje, e cila është një shpjegim i arsyeve për kushtet e përcaktuara në Projekt-raportin e revizorit të autorizuar shtetëror”, njofton ESHR-ja.
