Dy dëshmitarë në cilësinë e të dëmtuarve kanë hequr dorë nga ndjekja penale kundër Nino Vasevit, i akuzuari i parë në rastin “Onkologjia”, për shërim të papërgjegjshëm të pacientëve.
Në sallë dëshmoi një nga të dëmtuarat, e cila ka qenë paciente në Onkologji me kancer të gjirit. Ajo ka deklaruar se shërimin e ka filluar në Vjenë, më pas këtu te mjekët Nino Vasev dhe Meri Peshevska. Tha se nuk kishte ankesë për trajtimin e Vasevit.
Dëshmitarja e dytë, infermierja e traumatologjie, nëna e së cilës është shëruar në onkologji kishte vetëm fjalë miradije. Krahas Vasevit, në këtë rast të akuzuar janë edhe dy onkolog. /Alsat
