Gjykimi ndaj ish-kryetares së Antikorrupsionit / “Dimitrovska: drekë për certifikatën”

Në seancën gjyqësore kundër ish-kryetares së Komisionit Antikorrupsion, Tatjana Dimitrovska, audituesit Mile Stolevski dhe të punësuares në “TEC” Negotinë Biljana Petrovska-Manteva u paraqitën komunikimi ndërmjet Dimitrovskës dhe audituesit Mile Stolevski, për të cilin pretendohet se dëshmon se ai e ka dhënë provimin për certifikatë sigurie në emër të saj.

“Urime, je i artë, po të qeras me drekë”, i thotë Dimitrovska Stolevskit, i cili ka dhënë provimin në emër të saj.

Komunikimi vazhdon me një marrëveshje për ta dhënë sërish provimin.

Prokuroria është e prerë se pikërisht këto mesazhe e dëshmojnë fajësinë. Në procedurë u paraqitën edhe mesazhe nga e akuzuara Biljana Petrovska-Manteva, e punësuar në TEC “Negotinë”, e cila sipas aktakuzës ka ndarë informacione konfidenciale me ish-drejtorin Nebojsha Stojanoviq, i akuzuar në rastin “Aditiv”.