Rreth 40 përqind e pacientëve me diabet nuk janë në gjendje t’u nënshtrohen ekzaminimeve të rregullta dhe në kohë për gjendjen dhe komplikimet e tyre, prandaj Unioni i Shoqatave të Diabetikëve i kërkoi Ministrisë së Shëndetësisë që urgjentisht të rrisin numrin e termineve për qasje më të mirë në ekzaminime specialistike për personat me diabet në Maqedoni.
Shoqata ka theksuar prej kohësh nevojën për të përmirësuar aksesin në ekzaminime të rregullta, në kohë dhe të vazhdueshme nga specialistë.
Kontrollet e rregullta janë një pjesë themelore dhe e domosdoshme e kujdesit shëndetësor për personat me diabet, pasi ato monitorojnë rrjedhën e sëmundjes, vlerësojnë gjendjen shëndetësore dhe përcaktojnë terapinë e duhur, të nevojshme për menaxhimin e suksesshëm të përditshëm të diabetit. Po aq e rëndësishme është edhe zbatimi në kohë i ekzaminimeve për zbulimin e hershëm, monitorimin dhe trajtimin e ndërlikimeve të diabetit, me qëllim sigurimin e një jete më cilësore, më dinjitoze dhe më të shëndetshme për pacientët, thonë ata.
Ata shprehin shqetësim serioz për disponueshmërinë e kufizuar të takimeve te specialistët dhe kërkojnë përmirësimin e protokolleve dhe procedurave ekzistuese për caktimin e takimeve, si dhe rritjen e disponueshmërisë së kujdesit shëndetësor të vazhdueshëm për pacientët me sëmundje kronike. Alsat
