Maturantët do të japin sot pjesën e dytë të provimit të maturës shtetërore me testin nga provimi ekstern që zgjedhin. Nga gjithsej 15.899 kandidatë, 14.320 u paraqitën për anglisht.
Në matematikë do të testohen 1.231 persona, 30 në frëngjisht, 10 rusisht, 15 do të marrin filozofi dhe 100 kandidatë janë paraqitur për estetikë.
Provimi i parë – Gjuhë amtare dhe letërsi (maqedonisht, shqip ose turqisht), i cili është i detyrueshëm, është dhënë më 4 qershor.
Rezultatet e dy provimeve eksterne duhet të publikohen më së voni brenda 30 ditëve. Ata që nuk do ta kalojnë provimin e maturës shtetërore ose jo plotësisht, do të kenë shans të dytë në seancën e gushtit kur do të jepen dy provimet e jashtme në datat 10 dhe 12 gusht.
Sipas të dhënave të Qendrës Shtetërore të Provimeve (QSHP), nga gjithsej 15.899 maturantë të regjistruar për maturën shtetërore, 7.135 janë gjimnazet, 8.504 nga ato profesionale dhe 260 nga shkollat e artit.
