Ankthi këto kohët e fundit është i pranishëm më shumë se kurrë e njerëzit po përpiqen fort të mos e humbasin toruan.
Sipas ekspertëve, një regjim ushqimor i balancuar mund të ndihmojë shumë në rikthimin e ekuilibrave hormonalë por edhe sheqerit në gjak, gjë që kontribuon në mirëqenien tonë emocionale.
Ushqyerja e shëndetshme sipas ekspertëve, ka fuqinë të shtojë harenë dhe kënaqësinë për jetën.
Cilat janë ushqimet që zbusin ankthin?
Ekspertët japin shumë këshilla për eliminimin dhe zbutjen e ankthit nëpërmjet përzgjedhjes së ushqimeve të caktuara të dobishme për gjendjen tonë emocionale.
Peshku
Salmoni i egër, skumbria, trofta dhe sardelet janë shumë të pasura me zink, një ushqyes shumë i rëndësishëm për njerëzit që vuajnë nga ankthi.
Për më tepër, ato ofrojnë acide yndyrore omega-3 të cilat luajnë një rol jetësor për shëndetin e trurit.
Sipas ekspertëve, njerëzit që vuajnë nga ankthi duhet të konsumojnë dy racione peshk në javë.
Turshitë
Ushqimet e fermentuara në kushtet e shtëpisë, siç janë lakra turshi, kosi, kefiri apo kastravecat turshi ndikojnë në uljen e niveleve të ankthit.
Një studim i publikuar në revistën Psychiatry Research zbuloi se ushqimet e fermentuara të pasura me probiotikë ulin nivelet e ankthit.
Frutat dhe Perimet
Prodhimiet e freskëta të tokës janë një burim i shkëlqyer antioksidantësh.
Nivelet e ulëta të tyre kontribuojnë në rritjen e niveleve të ankthit.
Besohet se ngrënia e frutave dhe perimeve në mënyrë të rregullt rikthen qetësinë shpirtërore.
Ekspertët këshillojnë ngrënien e 2-3 racioneve me fruta dhe perime në ditë.
Jo alkol dhe kafeinën.
Alkoli mund të ketë një efekt të përkohshëm qetësues por kur ai përpunohet në organizëm, ndikon negativisht në cilësinë e gjumit.
Mungesa e tij mund të shtojë ankthin, thonë ekspertët e Harvardit.
Kafeina ndikon njerëzit në mënyra të ndryshme por në përgjithësi i bën disa prej tyre nervozë dhe të acaruar.
Kafeina mund të ndikojë edhe në cilësinë dhe në kohëzgjatjen e gjumit.
Uji
Shenjat më të para të dehidratimit ndikojnë tek humori, thotë një studim i publikuar në gusht të vitit 2018.
Sipas ekspertëve, njerëzit duhet të sigurohen të pinë mjaftueshëm ujë që të shmangin dehidratimin dhe më pas nivelet e rritura të ankthit.
Kujdes me vaktet
Nëse njerëzit anashkalojnë vaktet, niveli i sheqerit në gjak bie dhe për rrjedhojë ankthi përkeqësohet.
Kjo është veçanërisht e vërtetë në rastet kur njerëzit ushqehen kryesisht me karbohidrate dhe uhqime të përpunuara siç është buka e bardhë, orizi, ëmbëlsirat dhe pijet e gazuara.
Për rrjedhojë, ekspertët këshillojnë që vaktet të konsumohen rregullisht dhe fokusi të jetë tek ushqyerja e shëndetshme. /AgroWeb/