Poezi nga: Xhevdet Bajraj (marrë nga Angelus Novus, 2023)
E vetmja dritë në jetën e tij
ishte ajo që i shfaqej kur e hapte
frigoriferin
por edhe ajo një ditë iu fik
Njerëzit i flisnin
por ai ose bëhej i shurdhër
ose i mungonte bateria
aparatit të tij të dëgjimit
Gjithsesi që meritonte respekt
tekefundit
ç’të keqe ka
ai vdiq për idenë
E tash
që idenë e kishte kot së koti
kjo është krejt një çështje tjetër
