Pem’za Peso
Shpesh jam kujtu n’ty
kur dojshin me t’pre për dru
kur t’iken zojtë
veri kur t’zhveshi
mbi ty e majta shikimin
gati sa retina mu dogj
ti për hatër t’ni tjetër stine
i mbushe rremat zogj
kemi mujtë me u nda krejt ndryshe
nji degë për mu
tjerat për dallendyshe
nji ditë edhe ty
ka me tu rrudhë hija
trupi korubë
e dushku lloçit
sikur mu dashnija
hej, ke pas boll ven
n’rrathtë e cungit
edhe për flugin e zemrës tem.
