Aurel Plasari
Pse u ndëshkua, në të vërtetë, poeti Lasgush Poradeci?
“Përgjigjen tuaj e kam patur në zemër peronë, po nolens volens, edhe peronat janë jetë, për mua ishte peronë e veçantë se letra Juaj është e të parit Kosovar shqiptar (domethënë: të parit VULLKAN shqiptar), i cili më kujton me një letër. Jam adhurimtar i Kosovës së KRESHNIKËVE, gjithnjë s’më është ndarë adhurimi, e kam adhurimin REFREN të jetës si dhe të refren të poezisë. E kam thënë refrenin shpesh-herë në poezinë time. Në revistën ‘Kosova’ të Konstancës kam poezinë ‘Marsh kosovar’, Konstancë 1933, revistën e botonte në qytetin Konstancë të Rumanisë mëmëdhetari milioner Mihal Xoxe, pronar i shtypshkronjës ‘Albania’ të Konstancës, i cili botonte në Konstancë edhe gazetën e përjavëshme, të ilustruar me format të madh prej gazete ‘Shqipëria e re’, botoi edhe revistën “Dodona” duke patur si redaktor të ‘Shqipërisë së re’, ‘Kosovës’ dhe ‘Dodonës’ publicistin dhe satirikun Gjergj Bubani, patriot i flaktë prej fshatit Boboshticë të Korçës”.
Nga përgjigjja e Lasgush Poradecit letrës së studiuesit Jakup Ceraja, 3 nëntor 1979.
Këtu edhe një faksimile e “Marshit kosovar”, me titullin domethënës “E fundit mërzitje”, nga revista “Kosova”, Konstancë, 28 maj 1933, e cila përfundon me vargjet:
Liri – a përgjithmonë gjak
Do rrjedhi pas!
