Leonard Cohen
Përktheu: Fadil Bajraj
Jam tepër plak
për t’i mësuar emrat e
vrasësve të rinj
Ky këtu afër meje
duket i lodhur dhe atraktiv
fanatik, hiqet si profesor
Shumë më ngjan mua
kur jepja mësime
të një forme radikale të budizmit
të çmendurve të pashpresë
Në emër të një magjie të moçme
të lartë
ai jep urdhra
që familjet të digjen për së gjalli
ndërsa fëmijët të gjymtohen
Ai ndoshta di
një këngë a dy që i kam shkruar
Të gjithë ata
gjithë larësit e duarve të përgjakura
gjithë përtypësit e rropullive
gjithë rrjepësit e skalpeve
gjithë ata kanë kërcyer
me muzikën e Beatlesëve
e kanë adhuruar Bob Dylanin
Miq të dashur
kanë mbetur shumë pak nga ne
të heshtur
që dridhen gjithë kohën e lume
të fshehur në mesin e fanatikëve
të tronditur të gjakut
derisa ia dëshmojmë njëri-tjetrit
krimin e vjetër të shëmtuar
krimin e vjetër të shëmtuar e të harruar
që e ka shkulur
apetitin e ngrohtë të zemrës
dhe ka poshtëruar evolucionin
dhe ka vjellë lutjen
