Ndërmarrjes së Qarkullimit publik të Shkupit do t’i shtohen edhe 80 autobusë ekologjikë, ndërsa 40 autobusë të tjerë do të shpërndahen sipas nevojave në komunat e tjera ku ka transport të organizuar publik.
Sipas qytetarëve, një gjë të tillë do ta besonin vetëm kur të shohin autobusët që qarkullojnë nëpër rrugët e Shkupit.
“Ato janë vetëm fjalë, është thashetheme, pa i pa nuk besoj. Duhet të shpërndahen por janë vetëm fjalë, nuk besoj se. Për 50 vite nuk bëhet”, tha një qytetar.
“Me nëntëmbëdhjetën kemi problem, ajo nuk është në rregull, nuk vjen në kohë, vonohen nga një apo dy orë ndërsa tjerët vijnë në rregull”, u shpreh një qytetar tjetër.
“Pres autobusin me numër 16. Gjendja me autobusët është katastrofë, e mos të flasim kohen kur kishte greva në Çento. Qeveria ka paraparë që të investojë në 120 autobusë të rinj, mendoni se do ta përmirësoj situatën? Normalisht se do ta përmirësoj nëse eventualisht realizohet ajo”, theksoi një qytetare.
Dy qytetarë që pritnin autobusin e NQP-së, kishin mendime të ndryshme sa i përket rrëmujës dhe vonesave të autobusëve.
Sipas kryeministrit Mickoski, Qeveria në mbledhjen e djeshme miratoi vendim për fillimin e procedurës për blerjen e 120 autobusëve ekologjikë.
Sipas Qeverisë, bëhet fjalë për prokurim publik ndërsa mjetet financiare janë siguruar nga buxheti i Ministrisë së Transportit, por se sa mjete janë ndarë për këto autobusë, sipas Qeverise opinioni do të njoftohet në kohë. / Alsat/
